[ 櫻 • 京都大阪 2012 ] Day 3: 銀閣寺 + 哲學之道 + 八板神社 + 平安神宮 + 祇園 + 花見小路

經過一日休息後，今日算正式行下旅遊點，如無意外，今日會見到好多櫻花，當然經過尋日喺二条城尋花失敗後，今朝都唔敢抱太大期望。

早上先搭巴士到銀閣寺，去到時d舖頭才開始陸陸續續開舖。我好鐘意佢個flash homepage ，俾到我寧靜同禪嘅感覺 http://www.shokoku-ji.jp/flash/flash.html。雖然呢度我再一次見唔到櫻花，反而又令我放抵左陪canon感受一下日本寺廟嘅氣息同佢建築。個寺唔太大，約一個鐘到就行完，記得去櫃台揼印仔。

寺內同寺外真係兩個世界，一條大街兩旁舖頭都擠滿旅客，呢度有傳統手工藝店又有小食店，我同羊太太當然唔執輸一齊掃下街，行細工館 (http://www.chirimenzaikukan.com/shop_info/shop4.html)都花左唔少時間。 行行下就行到哲學之道，印象中係一條小溪加上一排排櫻花的，今日當然冇櫻花，失望。不過好耐冇同羊太太拖手郊遊，一路上靜靜的，有時灑點雨絲，怪唔知得叫哲學之道。當然，跟德國海德堡的一樣，不時有著強國人那股橫蠻之聲。

呢段路幾長，間中都有神社同櫻花祭 (都冇櫻花!)。午飯時份我哋隨意挑了一間店食烏冬【茶房五建】，好味道，羊太太最鐘意個杯熱茶，好以暖下身，今次帶埋嚟個暖水壺大派用場，因為天氣好凍。

下午出發去八板神社 (http://web.kyoto-inet.or.jp/org/yasaka/) ，附近有一排商店食肆勁多人，都冇去考究有咩特別。迷了一陣路後終於找到八板神社，呢座紅色建築物幾impressive ，但我幾鐘意門口一排寫上伏見清酒嘅燈籠。神社裡面有賞櫻地方，但要收費，我哋見呢兩日追櫻都冇咩收獲，都冇花錢入去睇。

平安神宮 (http://www.heianjingu.or.jp/index.html)位於祇園，今日好多人，我同羊太太一入去巳經被d小攤檔吸引住，又食左燒肥牛串同雞皮餃子! 平安神宮旁長了幾棵開於中的櫻花，雖然算唔上盛於，我當然唔放過呢個機會大影一番。咁啱碰到一對新人舉行傳統婚禮，兩位新人領著嘉賓入神宮，好大陣象，吸引了全場人的眼光同鏡頭。平安神宮另一旁的円山公園(http://www.sapporo-park.or.jp/maruyama/)是出名的賞櫻勝地，而家雖然只有零星的小花蕊，本地人巳為賞櫻作好準備，在草地上堆上密麻麻嘅檯布坐墊。大口門還有一棵盛放的櫻花，真係幾靚，可惜又見唔到粉紅色花海壯觀場面。

祇園係一個典形遊客區，我哋見到好多小食，紀念品，當然唔少得去花見小路見識一下。記得有間甜品舖大排長龍，我諗九成都係旅遊天書效應，最記得係買左一種激辛豆豆食，超攻鼻，爽!! 真係提神醒腦嘅恩物。 間舖叫【京•月待庵】(http://www.kyo-tsukimachian.com/) 。

花見小路全都係食肆同居酒屋，都幾有特色，但商業化左少少。街尾有一寺，那裏的松樹在夕陽襯托下成了另一美景，可惜 “只是近黃昏” 。入夜後天氣變的很冷，見到羊太太好似抵受不了，決定到 【十二段家】(http://www2.ocn.ne.jp/~junidany/index.htm) 打下邊爐暖返身，點左個豆乳鍋定食同Shabu-shabu ，加埋支清酒，正，豆乳鍋好有豆味，好少食到咁濃豆味嘅豆乳! 今晚消費 ¥8800 。

其實呢兩日當我醉心影相時，總聽到羊太太喺我耳邊哦哦聲，程度令我感到煩厭，呢種情況以從未發生過，今次實是第一次。我當然扲住度火，chok下佢，原來佢雙腳凍到震，冇心機等我玩相機。我只好當晚嗱嗱啉同佢去京都駅買d厚襪，去到時卻發現很多鋪頭都閂門大吉，咁早! 當然最後都揾到一間買到所需厚襪，但京都商店真的咁早閂門嗎?

餘下的旅程，我雙耳仔清靜得多了…