[ 櫻 • 京都大阪 2012 ] Day 2: 京都駅 + 二条城

由異星球坐六粒鐘先到東京，一瞓醒就到，睡眼惺忪，飛機那杯咖啡起不了作用，全程好似被羊太太賣豬仔咁由落機，入境，攞行李，寄行李，轉機 …… 好快咁到左大阪伊丹機場。一落機，見到個天不停下雨，更加冇心情。跟隨著羊太太買車票搭大巴去京都 (http://osaka-airport.co.jp/access/from_bus.html)。

約一個鐘到京都駅，傾盤大雨下攞住行李在地鐵站穿梭，被那台售票機同地鐵站地圖玩完一輪後，最後揾到路去四条駅既 Mystays Shijo (http://www.wmt.co.jp/en/location/ms_kyotoshijo/index.html)，真要多謝個位地鐵伯伯伯，呢為伯伯太好人，當我哋仲研究緊邊個出口去酒店時，佢好主動走過嚟幫我哋，仲一直帶到我哋去到個出口喥，都幾遠，真佩服呢種助人精神。Mystays Shijo呢間酒店d 房都幾細，除左張大床，間房放埋件行李都冇咩位剩。不過都好乾淨，冇異味，仲有個大浴缸可以浸浴，我就呢個機會去京都駅買唔同種類嘅浴鹽玩下。

放抵行李後就去揾野醫肚。由於天氣唔好，所以搭返地鐵去伊勢丹，逛了一下超市同小食部，冇著落，轉攻頂樓，點知間間食肆都排長龍，反正冇target， 羊太太既哲學係選最多人個間，雖然幾肚餓唔太想排，但無心插柳之下竟走進  【 美々卯 】 (http://www.mimiu.co.jp/mimiu/top.html) ，都不失為日本行第一餐，點左一個餐，有烏冬，天婦羅，有魚生，同其他小食，賣相都幾地道幾精緻，不過對於一個饑餓既大男人嚟講，份量少了一點，但咁就食左我1979 ¥。

醫完半個肚返酒店check in。今朝成日落雨，下畫完終於放晴。時間巳經三點幾，由於唔想太舟
車勞頓，就決定去酒店附返二条城 (http://www.city.kyoto.jp/bunshi/nijojo/index.html) 觀光一下 。一路上雖然風和日麗，但就超大風，勁凍。二条城室內要除鞋，呢個天氣赤著腳喺木地板行都幾 ”赤赤痛” 。室內的璧畫都貼上金 (唔知係金漆定金泊定金紙?) ，當有陽光射入室內閃閃生輝，可惜唔俾影相。可以睇返呢度再幻想一下 http://www.city.kyoto.jp/bunshi/nijojo/syoheki.html。

日式庭園呢個時候點少得d 花花草草，可惜四圍嘅櫻花樹都係光秃秃的，雖然有一兩棵有零聲的花蕊，但同網上見到d靚相比，十劃都未有一撇，不過都舉起部相機應酬酬一下。

因為之前冇做功課，對日本歷史真一竅不通。行完二条城太約五點幾，決定返京都駅進攻拉麵小路(http://www.kyoto-ramen-koji.com/) ，經過一輪篩選後，決定幫襯呢間 【上方ざんまい屋】(http://www.kyoto-ramen-koji.com/shop.html#osaka)食大大碗濃厚豚骨拉麵同埋餃子定食。碗拉麵真好夠份量，豚肉舊肥肉又香又濃味，完全填飽我個肚，不過羊太太就話餃子鹹左d woo。