[ 櫻 • 京都大阪 2012 ] Day 1 結婚週年日向京都大阪出發

                                        

事緣羊太太盛怒之下，一下子抄左佢老闆魷魚，原本去奧地利出差的機會同那份不俗的雙糧一下子泡湯。為左補償心靈重創，同埋要著那件因出差而買的”間條”乾濕褸，羊太太下令要從Zug空運一雙大碼波鞋抵星，然後羊咩鬚就跟羊太太於結婚三週年那天出發飛住日本京都同大阪散心同散財。

呢日剛坐完十幾個鐘飛機由Zurich返到星球家，沖完涼都唔夠兩個鐘，又拖住個喼返機場，當然今次有太太同行，心情開心好多。

今次行程由羊太太一手包辦，名為 [櫻花見 Sakura] ，因為10日行程日日都會去賞櫻 :

Day 1	Departure Singapore Airport
Day 2	Arrival Osaka Itami Airport Æ Kyoto		住 Kyoto
	二條城	(寺)
Day 3	銀閣寺 + 哲學之道 + 平安神宮	(櫻)	住 Kyoto
	円山公國 + 祇園 + 花見小路	(櫻)
Day 4	天橋立 + 飛龍展望台 + 傘松公園	(景)	住 網野
	網野	(泉)
Day 5	Æ Kyoto		住 Kyoto
	清水寺	(夜櫻)
Day 6	嵐山 + 渡月橋 + 天龍寺 + 竹林	(櫻)	住 Kyoto
	東寺	(夜櫻)
Day 7	醍醐寺 + 宇治平等院 + 白川	(櫻)	住 Osaka
	Æ Osaka
	道頓堀 + 法善寺橫丁	(食)
Day 8	奈良公園 +海游館	(玩)	住 Osaka
	黑門市場	(食)
Day 9	大井關公園 + 四天王寺	(櫻)	住 Osaka
	梅田空中庭園展望台	(景)
	道頓堀	(食)
Day 10	大阪城 + 大阪城公園 + 櫻之宮	(櫻)
	Departure Osaka Itami Airport

呢個行程真係改了又改，因為出發前見到日本天氣報告話今年比較凍，櫻花會遲開，真係日日都要睇實japan yahoo個櫻花update情報。本來想去神戶旣姬路城 (http://www.city.himeji.lg.jp/guide/castle/legacy.html)，可惜因為維修工程把整個天守閣封住，好彩發現得早以取消，連帶新長田的橫山光輝 [鐵人28] 同 [三國志] 都冇去 (http://www.kobe-tetsujin.com)。又因天氣太凍，原定去吉野山賞櫻行程 (yahoo jp 話櫻花未開) 轉為去大井關公園，追櫻嘛，都冇所為。

今次坐JAL ，要先飛東京羽田機場 Tokyo Haneda Airport 轉內陸機去大阪伊丹機場 Osaka Itami Airport。架機既座位同用膳都唔錯，仲記行個空姐見我食緊士多啤利 (瑞士買的，以為好抵，平星球一半，點知日本仲平!) ，佢好好人咁攞張紙巾啤我，嗱，呢d咪叫服務囉。

不過唯一唔慣係到坐羽田機場轉機時要自己攞行李後再寄，兩班機都同一間airline，真唔明點解要咁安排。同埋架接駁真係巴士好細，大份d都坐唔到。奇就奇在回程個陣又唔使自己寄兩次行李，我諗呢個問題都要內行人先解答到。

時值賞花季節，酒店真難揾，最後都揾左一間温泉酒店 - 炭平 (http://www.sumihei.com) - 住左一晚。有幾好? 遲d再講...