瑞士自由行 Day 12 – 登 Museggmauer 一覽 Luzern 的紅色小屋

今朝係Maienfeld悠悠閒閒左一個上晝，酒店既早餐又係煙肉火腿芝士同飽飽，選擇唔多，味道一般。收拾好行裝就出發去Luzern ，臨走見到酒店對面有間sovernior shop，好多野賣，可惜個店主剛閂門走人，冇得入去睇。

係Luzern 住 Hotel Alpha (www.hotelalpha.ch)，火車站一條大直路到尾行十幾分鐘就到，不過拖住個行李箱咁行都幾攞命 – 個箱太大。呢個時候羊太巳經肚餓到冇晒心機，check in 完就嗱嗱聲出去揾食，但係成條街都冇乜野食吸引，一直行到碼頭，見到間carteen 都幾人幫襯，就點左炆鴨飯，勁鹹，羊太當然唔滿意，最後係左旁邊間雪糕舖買左個大chocolate cone ，又香又軟，同係Lucanro食嗰隻又好唔同，質感實好多，羊太食完終於有開心返。

碼頭好熱鬧，一批批遊客係一架架大郵艇上上落落，無他，因為個湖真係幾靚，不過今日無遊山玩水，羊太話今次要跟住個地圖行下check points: 由敎堂，獅子紀念碑一直行到Museggmauer城牆頂，再行返落Kapellbrucke木橋 (詳細見http://www.luzern.com/en/brochures : City Guide) 。呢段路一d都唔易行，我指係城牆個一段，又上又落，不過真係值得，一登城樓就見到 Luzern 全景，山下一間間紅色小屋，都好似被遠處既雪山同湖水圍住，時間又到左magic hour，相機個快門又要加班，真係影到唔捨得走。呢度仲有一個小塗鴉 : 中大英文系，全港最巴閉 !!! 

行到鬼死咁攰，本想到河邊揾晚餐食，呢度成個酒吧區，勁多人，但我哋發現沿住條河都有好多fruit fly ，最後行返入內街間Grendel 19 ( http://www.grendel19.ch/) 點左 Rindsfilet 同 Kalbsleber Venez，好好味，不過食左成92 CHF，而家睇返都幾肉赤。