唔經唔覺又五個月，呢五個月來日日返office返工等放工嘅日子都幾自在，不過小人真係有自唔在攪苦嚟辛，幾番爭取，呢個北京trip又批左啦。今次羊太太要留才星球，一支公坐六個小時飛機去一個天氣巳經跌到零下幾度嘅city，返工之外仲可以食咩玩咩，都要自己做下功課。
今次坐星航零晨機都幾辛苦，只因貪心機尾個三連位，以為可以瞓餐飽，點知個座位邊頂住個背脊唔舒服，呢六個鐘都瞓唔到，真衰。一到步就要開會，好彩個腦算運作到，不過中午飯聽住班人高談闊論講政治就真係投晒降。下晝冇會開，嗱嗱啉打道返酒店沖個熱水涼，之後攞住部相機去【恭王府】散下心 (http://www.pgm.org.cn/flash/flash.shtml)。
恭親王就聽得多，王府就第一次去，人又唔算等特多，影相避人都冇咁辛苦。十一月嘅北京五點鐘就開始天黑，太陽西下，又搭巴士衝衝衝上去景山俯瞰一下紫禁城，此時此刻，右邊一個鹹蛋王落山，左邊大半個月光高掛，皇城在我腳下，哈哈哈…… 可惜，要影靚相個高反差就有少少難度，苦惱間，老板打電話嚟 call食飯。
今次自己試下搭巴士返酒店，放工時間，迫就迫d，唔太差，人都算守秩序。不過 Google map 還是不太準，位置差了一大截，落錯車仲要有排行同揾向方向，返大陸都係百度地圖信得過 (http://map.baidu.com/)。
呢幾日天光就開會，一個接一個，天黑放工仲要應酬下老細，身心俱疲。最後一日終於又重奪返自己嘅私人時間。晨咁早就出發【天壇公園】(http://www.tiantanpark.com/cn/) 進行 “影相祭”。今日好好彩冇咩人，小弟仲要排第一，成為本日祭天第一人!! 不過只限【圜丘】同【皇穹宇】， 因為三個景點有唔同出入口，有旅行團就先由【祈年殿】近方向而入，都好彩喺咁，當小弟行到【祈年殿】時，最初嗰幾團人而經散咗，可以靜心欣賞。
【暴食記】
事關天寒地凍，人都食多左嘢，今次雞鴨鵝豬牛羊狗兔都有食，最回味都係涮羊肉，又肥。不過回到家被羊太太罵了: 狗都食得咩 !!!!!
