好耐冇去北京， 今次要去北京工幹成個禮拜，順便係香港機場停一停跟家人飲個茶，雖然美心幾貴，不會勝在就腳同D點心有返咁上下水準。(唔好意思, 因為星球飲茶仲狠貴)。羊太太閒著無事(不務正業中)，當然唔會放過呢個機會去北京"增廣見聞"一番：故宮，圓明圓，頤和圓，天壇，水立方，鳥巢... 全都喺我返緊工開緊會時玩了一遍。中華文化何止呢幾處，難得羊太太已經襯呢個機會努力地自修下中國歷史!! 可惜我冇時間，唔係我都可以重温下明清史。
今次出trip搭CX，最估唔到係去北京個程會係飛機上遇到位老友，我都好SURPRISE。因為一個由星球出發，一個由香港出發，一日咁多班飛機，可能真喺整定。我呢位老友唔太健談，但每次回港我哋都會約出來見個臉，難得今次一齊去北京出trip，當然約出嚟食返餐，今次就去左【大董烤鴨】(http://www.dadongdadong.com/)，點左半隻酥不膩烤鴨，水晶鵝肝，香橙鴨寶羹，同炸醬麵。烤鴨嗰皮好脆，唔怕肥膩，水晶鵝肝有少少鹹，不過就好重鵝肝味，正! 香橙鴨寶羹就...唔知，因為係羊太太限定，不過佢就話好食。我個老友照舊成晚iphone不離手，碟鵝肝同烤鴨我就慢慢亨受。
今次出TRIP令一個去處係【全聚德】(http://www.quanjude.com.cn/)，北京班同事都算唔話得，特登帶我去試下呢間佢哋口中嘅舊派填鴨，事關佢哋話新派(即喺大董)個老闆原先係【全聚德】打工，之後先自立門戶。不話話時話，【全聚德】隻鴨真喺油左少少。
最後一晚屈左老細去后海間【孔乙己】食紹興菜，鬼佢要我帶佢去天安門咩。呢間野好難找，足足揾左成個鐘。好彩間野都幾好食，隻孔乙己秘製鴨食到我唔停口，之前仲食左東坡肉，好飽。
 |  |  |
【孔乙己】
 |  |  |
沒有留言:
發佈留言