2012 三月下旬 - 又來瑞士 @ Zug (工幹篇)

從南韓返星球未滿一個月，又要飛去瑞士開會。今次因為想趕返星球過結婚紀念日，班飛機由原先SQ 直航改為KLM (轉一程)。KLM 既飛機餐冇選擇之如又d質素直係唔得，到坐阿姆斯特丹機場過境時排隊又排成大半個鐘，要跑去閘口上機，上氣唔接下氣，下次直係咪攪。

Zug (http://www.zug-tourismus.ch/en/welcome.cfm?) 離 Zurich 唔遠，大約廿分鐘火車，呢個寧靜小鎮俾我第一個感覺係度假多個開會feel: 個Zugarsee湖又大又寧靜，遊艇同鴨仔各自修行，時值初春，湖兩旁既植物都開始開花，還有一排正在開花的櫻花樹，同事話佢地最enjoy 一邊食雪榚一邊賞湖，不過我就選擇左係湖邊一間餐廳一路据扒，一路享受陽光同湖泊 (http://www.loewen-zug.ch/)。

今次公司安排住Park Hotel (http://www.parkhotel.ch/en/)，離火車站十分鐘路程，不錯，附近又有超市同百貨公司，離Zugarsee 都好近，好多同事食完晚餐都會去湖邊散步。當然呢幾日嘅早餐全都係三文魚，火腿同雞蛋。晚餐就有公司安排嘅地道瑞士菜色，具體係食乜就唔記得lu。

今次嚟Zug，羊太太下左命令要買一對ecco 鞋俾佢，事關星球冇佢個碼 (斷碼) 。 反正我第一日下午仲有時間行街，第一件事緊係跟order做野! 好彩酒店附近有間專門店，又咁好彩有得賣，緊係嗱嗱啉碌咭覆命 !! 超貴呢 !!

Zug 除左個湖同小鎮吸引之外，真係冇乜其他地方好去，可能因為出差關係冇咁多時間去遠少少既地方。好彩公司包左一個旅行團俾大家出外抖下氣，本來安排左滑雪，因天氣回暖改為行山，好耐冇試個一行三十幾人一齊行山，好似讀書嗰陣秋季旅行。最後行到一個叫 Gottschalkenberg 既地方，遠望可以見到Zurich 同 Zurichsee，不過今日個天有點煙霞，個view 唔太清。回程時仲有時間去湖邊睇日落，呢次開會都算幾爽。回程時仲有時間去湖邊睇日落，呢次開會都算幾爽。

最後一個朝早冇事做，一早起身攞住部相機周圍逛，最後仲行到上半山，一覽Zug同Zugersee 全景，面對住一間間紅色屋頂嘅舊城區加埋配有一層層霧氣嘅湖水，舒意之如卻又掛住留在家中的廣角鏡。

2012 二月下旬 馬拉松式公幹@南韓 (Seoul, Dadjeon, Busan, Ulsan, Pohang)

今次又出埠工幹，雖然個題目點名係南韓，但去南韓之前一個星期以先飛返香港同澳門開會，當完成呢個馬拉松式公幹，簡直身心俱疲。

第一次去Seoul，特登坐零晨機，預多一日行下街街。無心插柳，個agent 幫我book左korenair a380。全新機，個座位幾舒服，只可惜短短三個鐘，唔可以瞓餐飽。

一落機，就馬上感受到二月南韓既氣温 - 零下八度。好彩今次先返香港適應左十幾度 既 "低温"過冷河，唔係就食幾多人參都補唔返。

係Seoul就住 Best Western Niagara (http://www.niagarahotel.co.kr/)。無他，因為有cooperate rate，又近公司。原先安排間房好大陣煙味，要求佢換房，點知佢upgrade 左間有jacuzzi 既房俾我，多謝晒 !! 呢間酒店d 早餐一般，離Seoul station 又遠，如果嚟旅行我就唔住呢度。

玩完個jacuzzi 都係早上七點幾，落去食早餐，剛剛plan 完要去邊度玩，點知面前出現左一個我極唔想今日遇到既人 – 老闆 !!!! 俾佢捉住開左一個多鐘頭會，佢一放人，我就閃電式離開間酒店。

第一站先去景福宮(http://www.royalpalace.go.kr/html/eng/main/sitemap.jsp)。呢個景點都幾大，慢慢行都要用你兩三個鐘。今日温度係零下六度，個湖結左冰，又另一番風味，成個景福宮我最鐘意呢個池景，很有詩意，可惜冇落雪，影相就失色少少。

第二站去左仁寺洞揾食，一心諗住食地道人參雞，不過太肚餓，冇心機慢慢揾，最後食左個牛肉飯，一路食身邊d韓男韓妹一路狂係度唷唷唷唷唷! 一時間韓風處處，好有風味!

沿著仁寺洞一直逛到鐘閣，受不了睡魔既引誘，收隊返酒店瞓覺。瞓醒巳經天黑，去左酒店附返用膳，哈哈，menu全係韓文，侍應d英文又麻麻地，我只有隨便點左個海鮮拼盆，正! 食左幾多真係唔知，有大食大，多謝老細。

返酒店撞個sexy韓妹(扶住個醉男，其實個妹妹都唔太夠力)，同佢哋一齊搭電梯，我幫佢按住道門，同個韓妹打左個招呼，佢笑左一笑，但個醉男就吠得好x勁。我心諗，你咁醉，想做咩都冇力啦…

呢次去南韓開會，時不時就見到佢哋攞住罐紅色飲品不停飲，自己心郁郁試左一罐 - 超甜，原來係罐裝人蔘茶。除左甜，真係唔覺有蔘味。 

第三日一大清早要去Busan & Ulsan，五點幾離開酒店去Seoul station坐三個鐘火車，先到酒店check-in，今次住Toyoko Inn (http://www.toyoko-inn.com/e_hotel/00221/index.html)，係正火車站隔離，房超細，有少少蝸居feel，不過好乾淨，早餐普通(不食也罷)。開完一日會，個同事帶左我哋去當地個海鮮市場 - 札嘎其市場 (Jagalchi Market, http://www.jagalchimarket.org/) ，真係大開眼界，係星球咁多年，同呢類魚市場巳經say 左 good bye。今次重遇，我馬下挑左兩尾大魚，個阿朱媽又搭左其他海鮮俾我哋，即買即劏，然後一行人上左二樓等食。

最後一日跑 Pohang，工業城市，冇咩等别。開完會嗱嗱啉坐飛機返Seoul 歎過午餐+下午茶。見仲有時間，去左梨花女子大學站附近行街，一路上靚女不絶，真係감사합니다 (kamsahamnida)! 

唔好以為我發女寒，又或者羊太唔係身邊就身癢，只係呢個星球實在太多異形同怪獸，到左一個出名改造異形既地方，冇辨法控制自己對眼就是了。