終於有時間同心情繼續我的BLOGGER。事關由年頭到而家，冇一日個心會定落嚟沉澱一下。
一月尾出TRIP 去左北京同上海一個星期，正正係北京高舉黃色霧霾的日子，空氣差到不得了，去之前都十五十六，不過又因為喺自己爭取要出TRIP, 冇理由縮沙咁衰仔。點知飛機未停定以經聞到空氣中的燒焦味，星航都冇臉俾。太陽，在北京是可以肉眼直望的，強國人真無所不能。
第二日刻意冇安排MEETING。上網約左個包車司傅去金山嶺長城一趟 (750 RMB，架車唔錯，Nissan，乾淨舒服，想約的話可找小晨 email: Ic300300@126.com)。七點酒店出發，走高速都要成兩個鐘，好彩臨近農歷新年淡季，一路都冇塞車。不過個天都唔太清，一路都擔心去到金山嶺會咩到睇唔到。
入場費都唔記得俾左幾多錢，因為個司傅一停車就有人圍過來問要唔要導遊。司傅好好人，幫我擋左一下，不過我最後諗左一陣，都請左個導遊 (好似150/200 RMB)。原因無他，始終自己一個人，青靚白凈，又未試個一個人行，發生意外都有人照應下。話時話，淡季時份成段長城一個遊客都冇，只見到幾個外國人，出左事都幾狠驚。其實成程都同個導遊有講有笑，佢仲幫我揹左腳架，水，同行山杖，幫我減左唔少磅，又有講解又知抄小路。司傅仲再三叮囑勿買東西。
初頭計劃去北京【金山嶺長城】http://big5.china.com.cn/travel/node_7158885.htm，係因為佢離北京城較遠，希望冇咁多霧霾，一路行上山 (纜車停左)，都覺得空氣清新好多，積雪還是白白的，可惜強國的霧霾是無處不在，逃也逃不了，上到城樓遠眺，雖有藍天，但視野不太廣闊，我部50D 臉色一沉，我只好為它加上一幅CPL。
今次行金山嶺長城來回一趟，一共走左三十六個城樓，其實唔太知個導遊點數 ( 垛磚口>東五眼樓，再過就係司馬台長城，要另收費，有人守住! )，用左六個鐘，(唔好意思，小弟體能唔多好)，腳仔痛足一個星期，不過都值得。上次去居庸關，跟鴨仔團，勁少時間行，今次由頭行到尾，感受一下長城的城樓，磚牆，階梯，真係正到唔知用咩字詞形容。
網上很難走到一張金山嶺長城地圖，影左會安心D。
在霧霾的日子影相，金山嶺長城好似發左霉，好在長城時左時右，又冇遊客，我揾位揾角度影相都容易D，不過就冇藍天白雲咁清。
找到一個詳細比較 "八達嶺、慕田峪、金山嶺" 的遊記。
http://www.utravel.com.hk/member-blog/eddietsoi823/ADkRZxEvA3U/ 有幾會我都想行埋其他幾段長城。
北京一月底天氣都幾寒，除左涮羊肉，今次去左一間叫【五代羊倌】 食小菜，點左 “刀切羊肉和老家的羊湯”， “林家大包子”， “爆炒三樣”。個羊肉湯一路燒住一路飲，正好在寒流下暖下身子，暢快。比起一晚去什刹海那間【乾海】，服務同食物水準都值回票價。
===========
上海，好耐都冇去過。由於夜晚成十二點機先返星球，有大半日可以周圍走走，小不了【豫園商城】，【城隍廟】，【外灘】等遊客CHECK POINTS。又正因為臨近農歷新年，外灘冇我上次(唔知幾多年前)咁多人，用三腳架想點影都冇人撞，影得好爽。霧霾，上海也是逃不掉的，但對岸的東方明珠非我鏡頭所愛，下次天氣好點才影過。
